Walang patumpik tumpik na ibinahagi ni Nadine Lustre kung sino ang kanyang presidential bet sa darating na May 2022 elections. Diretsahan din kasing inamin ng aktres na isa nga siyang kakampink.
Sa interview sa kanya ng Tax Whiz PH ay tinanong siya ni DJ Chacha kung nakapili na ba siya ng kandidato sa pagka pangulo.
Prangkang tugon ni Nadine, “Bakit ko papatagalin pa. Alam naman ng lahat na team pink din ako. I’m very very vocal about it.”
Ibinahagi din niya kung bakit ang tandem nina VP Leni Robredo at Senator Francis “Kiko” Pangilinan ang kanyang napupusuan.
“Just because gaya nga ng sabi ni Mon (Abrea) kanina, ano talaga maganda yung track record. And I really see that you know… na si Madam Leni tsaka si Sir Kiko very ano talaga sila, they really care about the country.”
Ayon pa kay Nadine ay importanteng pumili ng kandidatong may malinis na track record. Kandidato na diumanoy walang bahid ng korupsyon.
Sambit pa niya, “Yun nga, track record din talaga. But what I wanted to say actually was what Mon was saying earlier, yung information na yan will be very very useful.”
“Kasi, you know if we’re going to vote for someone who’s corrupt and who has like a dirty record, ang ending kasi niyan lahat nang…marami ding gagaya. You get what I mean?
“So kung iboboto natin is malinis. Walang dayaan, walang kupitan. Di ba?
Nakasalalay din daw diumano ang kinabukasan ng mga Pilipino sa kandidatong kanilang iboboto.
“Yun lang naman yung gusto nating lahat at the end of the day. Yung maging patas, maging maayos. Tsaka maging maganda yung buhay ng mga Pilipino.” Ayon pa kay Nadine.
