Malakas ang bulong-bulongan na may relasyon ang aktor na si Diego Loyzaga at dating “Pinoy Big Brother” housemate na si Franki Russell matapos i-post ng huli ang mga larawan nilang magkasama at pagkatapos ay binura.
Binati ni Franki si Diego na nagdiriwang ng kanyang kaarawan sa pamamagitan ng kanyang Instagram Stories noong Biyernes, Mayo 20. Binura din daw diumano ni Franki ang post ilang minuto pagkatapos. Ngunit mabilis ang mga netizens na makuhanan kaagad ito ng screenshot at muling na-upload sa social media.
Sa isa sa mga larawan ay makikita si Diego na hawak ang mukha ni Franki habang magkayakap at nakatingin sa isa’t isa.
Sa isang larawan ay makikitang mukhang nasa beach ang dalawa at nagbabakasyon.
Kahit na binura niya ang kanyang unang post ay muling binati ni Franki si Diego at tinawag itong “papi,” sa pamamagitan ng kanyang Instagram Stories kahapon, May 21.
Ayon sa kanya, “Happy birthday @diegoloyzaga. You have the biggest heart and everyone around you is so lucky to have someone like you in their life. 27 ain’t ready for you papi.”
Ni-repost naman ni Diego ang pagbati sa kanyang Instagram Stories, at nagpasalamat kay Franki.
Pebrero ng taong ito nang kinumpirma nina Diego at Barbie Imperial ang kanilang paghihiwalay. Bagama’t hindi nila isiniwalat ang dahilan ay sinabi nilang tinapos nila ang kanilang relasyon nang maayos.
