Naluha sa tuwa ang aktres na si Angelica Panganiban at ang kanyang non-showbiz boyfriend na si Gregg Homan matapos nilang makita ang kanilang baby sa unang ultrasound nito.
Nagkuwento sina Angelica at Gregg tungkol sa kanilang karanasan sa pamamagitan ng isang vlog sa kanilang YouTube channel kahapon, June 1. Sa vlog ay makikitang nagluluto silang dalawa at tinulungan din ni Gregg si Angelica na balatan ang mga sibuyas.
Sinabi ni Angelica na ang paghihiwa ng sibuyas ay nagpapaiyak sa kanya, na humantong kay Gregg sa pagkukwento ng nangyari.
Ayon kay Gregg, “Alam mo ‘yung nakakaiyak? ‘Nung nakita namin ‘yung first ultrasound namin… ’yun ‘yung nakakaiyak.”
Pagkatapos ay isiningit nila ang clip mula sa kanilang unang ultrasound kung saan makikita si Angelica na nakahiga sa isang kama habang si Gregg ay nasa tabi niya. Pagkatapos nilang pareho na tumingin sa screen na nagpapakita ng kanilang anak ay nagkatinginan ang dalawa at napaiyak habang humahagikgik.
“Pano ‘yung iyak mo? Pano ‘yung iyak mo?” Tanong ni Angelica habang tinutukso at ginagaya ang reaksyon ni Gregg, na sinagot niya na “Ugly cry.”
Bago pa inanunsyo ng aktres na siya ay buntis noong Marso ay una na niyang ibinunyag ang kanyang relasyon kay Gregg noong New Year ng 2021. Ipinagdiwang din nila ang kanilang unang anibersaryo noong taon ding iyon.
