Isa na ngayong certified pastry chef ang aktres at singer na si Sarah Geronimo pagkatapos nitong magtapos sa isang tanyag na culinary school. Ito ang magandang balita na ibinahagi ng kanyang asawang si Matteo Guidicelli.
Nagpost si Matteo ng larawan ni Sarah habang suot ang kanyang chef uniform at hawak ang kanyang diploma sa pamamagitan ng kanyang Instagram account kahapon, June 2. Si Sarah ay nagtapos sa Heny Sison Culinary School.
Ipinahayag din Matteo kung gaano niya ipinagmamalaki ang bagong milestone na naabot ng kanyang misis.
Ayon sa kanya, “Super proud of you my love!! Officially graduated from baking school!! CONGRATULATIONS! Yesssss “chef sarah” it is!! We are super proud of you! Your achievements are limitless because you always strive for excellence! I love you! #proudhusband.”
Nakatanggap naman ang Pop Princess ng mga pagbati mula sa celebity doctor na si Dr. Vicki Belo, broadcaster na si Karen Davila, at ilan pang mga netizens.
Ayon kay Dr. Belo, “Yey I hope that means that I can buy your delicious cupcakes again.”
“Wooooow congrats @justsarahgph,” pagbati naman ni Karen.
Maging ang guro ni Sarah na si Heny Sison ay binati rin siya sa kanyang achievement.
“Congratulations Sarah! You are now a Pastry Chef,” ayon pa kay Chef Heny.
Bago kumuha ng baking course ay kumuha si Sarah ng cooking class kasama si Chef Gino Gonzalez sa Center for Asian Culinary Studies.
