Inamin ng “Darna” actress na si Janella Salvador ang pagiging single mom sa anak na si Jude.
Kung maaalala ay kinumpirma nina Janella at aktor na si Markus Paterson ang kanilang relasyon noong Setyembre 2020. Makalipas ang ilang buwan, ibinunyag nila na magulang na sila nang ipakilala nila sa publiko ang kanilang anak na si Jude.
Umusad ang mga espekulasyon na naghiwalay sina Janella at Markus matapos mapansin ng mga netizens na hindi pa nagpo-post ang celebrity couple ng mga larawan ng isa’t isa sa kani-kanilang Instagram accounts. Nauna nang sinagot ng aktres ang mga tsismis at sinabi na sila ni Markus ay masaya sa isa’t isa, bagaman hindi niya kinumpirma o itinanggi ang mga haka-haka kung break na ba sila noong panahong iyon.
Sa kanyang panayam kamakailan sa broadcaster na si Bernadette Sembrano, kinumpirma ni Janella na naghiwalay na sila ni Markus at inilarawan niya ang kanyang sarili bilang isang single mom.
Nagsalita muna ang Kapamilya actress kung paano siya nakaka-relate sa kanyang karakter na “Valentina” sa seryeng “Darna”.
Ayon kay Janella, “I actually portray two characters. Si Valentina, siya ang halimaw. Ang alter ego ay si Regina, siya ang anyo ng tao. Si Valentina, halimaw siya, mabangis, nakakatakot. Si Regina, isa siyang abogado at vlogger. Siya ay napakatalino at ang kanyang puso ay nasa tamang lugar. Ipinaglalaban niya ang hustisya.”
Nag-open up din siya tungkol sa pagkakatulad niya kay Regina: “Kasi si Regina, kapag meron siyang ipinaglalaban, as long as alam niyang nasa tama siya, ilalaban niya talaga.”
Nang tanungin kung ano ang pinakahuling pagsusumikap na kanyang ipinaglaban sa totoong buhay, sinabi ni Janella na, “Being a single mom.”
“At the end of the day, alam kong kaya ko naman siya. As much as I love the people around me who are always there to help me, I always want to know na kaya kong gawin. I can rely on myself na hindi ko kailangang humingi ng tulong sa iba,” dagdag pa niya.
Binigyan din ng credit ni Janella ang kanyang ina na si Jenine Desiderio, na itinuturing niyang isa sa mga inspirasyon niya sa pagiging independent.
“Siguro kasi I saw my mom growing up, kung paano siya — she was able to raise us on her own. So siguro na-embody ko rin kung paano siya — I wanted to be independent as well,” pagtatapos pa ni Janella.
READ ALSO:
