Humiwalay na ang aktres at social media influencer na si Heart Evangelista mula sa bahay na tinitirhan nila ng asawang si Senator Chiz Escudero, ito ang sinabi ng beteranang showbiz reporter na si Cristy Fermin sa kanyang kamakailang YouTube talk show.
Umuugong pa rin sa social media ang isyung bumabalot sa relasyon nina Heart at Chiz. Ito ay dahil marahil sa wala sa kanila ang nagsasalita tungkol dito kung kaya’t patuloy na lumalabas ang mga haka-haka tungkol sa totoong score sa pagitan nila.
Sa recent episode ng Showbiz Now Na ni Cristy kasama sina Romel Chika at Morly Alinio, nabanggit niya na hindi na magkasama sa iisang bubong sina Heart at Chiz.
Ayon kay Cristy, “Umalis na po si Heart Evangelista sa bahay nila ni Sen. Chiz. Naka-condo na siya ngayon. Humiwalay na siya.”
Idinagdag din niya na ang Kapuso talent ay nagkaroon ng kanyang condo tour sa kanyang YouTube channel at ipinakita ang mga kasangkapan sa kanyang bagong bahay.
Gayunpaman, sa isang nakaraang artikulo, ay may nagsabi na malapit sa mag-asawa na sila ay nakatira pa rin sa ilalim ng isang bubong. May artikulo din na nakasaad na nagkabati na sina Heart at Chiz.
Sa parehong episode, pinag-usapan ng showbiz writer at ng kanyang mga co-host ang mga tsismis na nag-uugnay sa fashion icon sa isang “Italian guy.” Ito ay nauna nang pinabulaanan ng isang source na malapit kay Heart na kinumpirmai na ang nasabing Italian guy ay talagang bakla.
Kaya naman sinabi ni Cristy na kung sino man ang makakasama nina Heart at Chiz ay siguradong mali-link sa kanila dahil wala pang closure ang napapabalitang breakup nila. Nauna nang naging usap-usapan na nabuntis ni Sen. Chiz ang isa sa kanyang executive staff.
READ ALSO:
