Binigyang-diin ng aktres at politiko na si Lani Mercado ang kahalagahan ng pagtitiwala sa kayang gawin ng Supreme Being nang hilingin sa kanya na magbigay ng payo sa asawa ni Vhong Navarro na si Tanya Bautista.
Sa gitna ng kontrobersiyang kinakaharap kamakailan ni Vhong dahil sa kasong panggagahasa na isinampa ni Deniece Cornejo, nakatayo sa kanyang tabi si Tanya. Noong 2014 pa lang, nang magsimula ang isyung ito, very supportive sa kanya ang misis ni Vhong at nagpatuloy ito hanggang ngayon sa kanilang laban para patunayan ang pagiging inosente ng It’s Showtime host.
Sa isang panayam kamakailan, base sa video na nai-post sa YouTube channel ng Very Wang, hiniling kay Lani na kung maaari ay magbigay ito ng payo kay Tanya bilang asawa ng isang lalaki na ngayon ay dumaranas ng mahirap pagsubok sa kanilang buhay.
Sabi ni Lani, may mga pagkakataon talaga na hindi na kayang tiisin ng isang tao ang pait at ito na ang panahon para iangat ang lahat sa kayang gawin ng Supreme Being. Sinabi rin ni Lani na bilang isang ina, dapat laging matatag ang isang babae.
Kinikilala rin ng misis ni Senator Bong Revilla ang realidad na bilang tao, nariyan ang pangangailangang magpahayag ng damdamin. Sinabi niya na ayos lang dahil kung ang emosyon ay itinatago sa loob, may posibilidad na masira ang isang tao.
Binigyang-diin din ni Lani ang kahalagahan ng pagkakaroon ng malakas na support system na makukuha sa pamilya at mga kaibigan.
Ayon pa kay Lani, “Sila yung nagli-lift up sayo, sila yung nagpapalakas sayo,”
Dagdag pa niya, hangga’t maaari ay lumayo muna si Tanya sa social media sa ngayon dahil hindi biro ang kanilang sitwasyon.
Panooring ang buong statement ni Lani Mercado:
Sinabi rin ni Lani na mahirap magsalita tungkol sa isyung ito dahil ito ay legal na usapin.
“Actually, ayokong masyadong, mahirap i-discuss ito kasi may legal…” aniya, at idinagdag na mainam na panatilihin ang mga bagay sa tamang lugar.
READ ALSO:
