CELESTE CORTESI – Ang bet ng Pilipinas na si Celeste Cortesi ay nag-ala Darna, sa kanyang national costume sa Miss Universe 2022 National Costume competition.
Puspusan ang init na hatid ng Miss Universe nang nagpasiklaban ang mga kalahok para sa ika-71 edisyon ng prestihiyosong pageant noong Enero 12 para sa preliminary competition nito. Walang alinlangang pinasaya ni Celeste, na kumakatawan sa Pilipinas, ang mga pageant fans sa kanyang naging performance, at pag-showcase ng kanyang adbokasiya at kasiningang Pilipino.
Para sa swimsuit round ng preliminary competition, itinampok ng Filipino-Italian beauty queen ang kanyang karanasan sa pagbisita sa mga kabataan at kanilang mga pamilya sa panahon ng “Save the Children Philippines outreach sa Marawi” sa pamamagitan ng pagrampa sa stage suot ang matingkad na pink bikini na may simbolikong puting balabal na pinalamutian ng mga hand print ng mga bata sa Marawi.
Sa segment ng evening gown, talagang napakaganda ni Celeste sa isang kamangha-manghang mahabang damit ng Filipino fashion designer na si Oliver Tolentino. Ang damit ay may sweetheart neckline, art deco accent, at manipis na panel sa palda. Dahil binigyan siya ng kanyang ama ng pangalang Celeste, na sa Italyano ay nangangahulugang “heavenly and sky blue,” ang kanyang gown ay sky blue ang kulay.
Sumunod naman dito ang National Costume competition na ginanap rin sa New Orleans, Louisiana. Lahat ng 84 na delegado ay nakasuot ng National Costume, na marami sa mga ito ay hango sa kasaysayan, mitolohiya, kulturang popular, at alamat ng kani-kanilang bansa.
Dinala ni Celeste ang fictional Filipino superhero na si Darna sa Miss Universe pageant. Sinabi ng Miss Universe Philippines Organization na pinili ni Celeste ang katauhan ng kilalang Filipina heroine dahil sa kanyang pakikipaglaban sa injustice.
Ano ang iyong saloobin tungkol sa artikulong ito? Huwag mag-atubiling mag-iwan ng inyong mga reaksyon sa comment section.
Follow us for more updates: Facebook @showbizmismo, YouTube @showbizmismo, and Twitter @showbizmismo
READ ALSO:
